أكتب عن ظاهرة اجتماعيه سيئه تتمنى زوالها

[رزيـــــــــــن]

أكتب عن ظاهرة اجتماعيه سيئه في مجتمعك تتمنى زوالها ...؟؟؟
لايـخـلــوا مجـتـمــع بشــري في الد نـيــا مــن ظواهــر اجتماعـيـــه سلبـيــه ..

ولكــن لا أحــد منــا يقـبـــل بالســـيء مــــن تلــك الظــواهــر ..

المصارحــه في هذا الموضوع هي الطريــق الآمـــــن لتفاديها ..

والله عــز وجــل قــــال فــي محـكـــم تـنـزيلـــه .....

( ان الله لايـغـيــــــر مابـقــــــوم حتى يغــيـــروا مابانــفــســهــــم......) الآيه .

في مجـتـمـعــاتـنــــــا عــدة ظــواهــر سلبـيـــــه تـشـــــوه صـورة اسلامنا و بلدانـنــا ..

ولكن ماهي ...؟؟؟



شاركــــــوا برأيـكـــــــم واكـتـبـــوا عـن ظاهـــرة سلبـيـه تـتـمنـــــــون زوالها

[فجـــــر]

رزيـــــــــــن


اخوي احييك على هذي الفكره ....


بصراحه اكو بمجتمعنا اشيء كثيره نتمني زوالها ..ومن اهم هذي الظواهر اللي بمجتمعنا وانا اتمنى زوالها اهي ..ظاهرة التعصب القبلي اللي طاغي على المجتمع الخليجي عام والمجتمع السعودي خااااااااص((للاســــــــــــــــــــــــــــــــــ ــف)) ولا فيه بالشرع ولا الدين هذا التعصب
قال الرسول صلى الله عليه وسلم (لافرق بين عربي واعجمي الا بالتقوى))

وقال عليه افضل الصلاه والسلام (من اتاكم من ترضون دينه وخلقه فزوجوه) ماقال من اتاكم من ترضون نسبه ؟؟!!!!

والله هذى التعصب يعصبني لان هناك شباب من خيره الشباب دين واخلاق ومعامله طيبة ومركز محترم.واذا تقدم لخطبه شابه اول مايقول الوالد ياولدي ممكن اسأل عنك فيقول الشاب ممكن تفضل ..............................للاسف شنو السؤال؟؟؟؟
السؤال من اي قبيله انت ؟؟؟؟؟لاحول ولاقوة الابالله العلي العظيم.وش ذا السؤال
ماسأل عن دينه او اخلاقه ....
يقول الشاب انا من الفلان .....!!!! يعني مو قبلي وانتم تعرفون قصدي ....!!
فيقول الاب اسف ياولدي مااجوز بنتي الا للقبلي..طيب افرض القبلي سربوت ..مايصلي...اخلاقه زفت
ليش ليش كذاااااااااااااااااااااااااااااااااااااااا؟؟؟
انا بصراحه بقولكم قصه صارت بواحد من معارفنا من بعيد وانتم احكمووووووووووووووو ...
شاب حب شابه واعجب باخلاقها ودينها ..طلب ايدها من ابوها قبل الاب ...البنت طبعاًموقبليه
يعني احنا نسميها (صانعه) والبعض (حضرميه) المهم
الشاب شمري ولماتزوجها هرب فيها عن اهله لانه يعرف التعصب اللي عند اهله..
راح لجدة وعاش وياها تقريباً شهر وفي يوم من الايام دق جرس الباب فتح الشاب الباب ...من اخوانه وابن عمه...رحب فيهم وقال هلافيكم تفضلوا...
المصيبه ابن عمه واخوانه كانو يحملون سلاح تصور سلاح ..شنو الجريمه؟الجريمه انه تزوج بنت ليس قبليه....والله شي غريب
المهم قالو له بسرعه طلق زوجتك الحين فقال بالله عليكم انتم وش تبون مني اتركوني بحالي انسوني... قالو لا لالالالالالامعصي انت كذا ضيعت اصلنا...سبحان الله
قال طيب ممكن تنتظرون دقيقه بس ..قالو ننتظر بسرعه واهم يهددونه بالقتل فنادى زوجته امامهم
وقبلها وظمها الى صدره وقام يبكي وهي تبكي عانقها مثل الطفل الذي يعانق امه ويبكي ويقول ثقي والله لن اتزوج بغيرك ماحييت انا احبك وحبك بدمي ولن انساكي ما حييت وهي تصرخ وتقول حرام عليكم حرام عليكم وقال لها انتي طالق طالق آه آه....وين الرحمه وين الشفقه والله منظر يقطع القلب ..
المهم كان الشاب ذا اخلاق عاليه ومتدين ..ويوم طلاقه من حبيبته اصبح لايبالي بشي واصبح شارد الذهن..وادمن على السفر من مكان الى مكان وحتى الاً وهو غير مستقر له مايقارب 15 سنه وهو على هذا الحال....ترى هل الكتب السماويه امرت بالتعصب ؟هل الدين امر بالتعصب.؟ هل الشرع امر بالتعصب؟؟
لا اكيد لادين ولاشرع..الى متى تنتهي هذه الظاهره ....
قال تعالى(امه مسلمه خير من كافرة ولو اعجبتكم .وعبد مسلم خير من كافر ولو اعجبكم)فيما معناه
ياناس الى متى هذه الظاهره ؟
والله والله والله انا بالجامعه واعرف الكثير من (الصانعات) دين واخلاق وادب والله خير من بعض القبليات..
اتمنى والله من اهل الدين يشنون حمله في المساجد ويلقون المحاضرات بهذا الموضوع..

واسفه على الاطاله

[الأمل]

لا حول ولا قوه الا بالله
يسلمو دموعه علي هذا الموضوع

[الأمل]

اما ظاهره وهي ظاهره النفاق والخداع
كل الشباب اوالفتيات عندهم هذي الظاهره الا من رحمهم ربي
لماذا ليكونو صادقين مع انفسهم ومع الاخرين

[رزيـــــــــــن]

يعطيكم الله الف عافيه على مشاركتكم
والله التعصب القلبي سالفته طويله يا اخوان
من ناحيتي انا رائي من رائيك يا دموع اليل وصارتلنا سالفه مثل سالفتك
صار هجوم على البيت وصار تعدي على المتقدم عندنا وصار تهديد

كل هذا عشان المتقدم مو قبيلي ....
الله يكفينا شرهم

الامل يعطيكي الله الف عافيه
ظاهر النفاق والخداع متشره هلايام
خاصه في النت ونادرا ماتلقين انسان صادق


اما عن الظاهره اللي اتمنى زوالها اهي ظاهره
.
..
...
....
.....
...... ظاهره التقليد......
والله يهدي شبابنا مافي شي الا وقلدوه

[بوداحم]

مشكورة اختي دموعه على الموضوع


وصراحه هذه الضاهر موجوده بكل مكان


واختي الامل حلو الموضوع


وظااهرة التقلييد ايضا موضوع جيد


بس في ضاااهرة جديدا تفشت بين السعودين بالذااات


هو العربجه


بدت العالم تسوي نفسها من حبوب ومخدراااات

وكل شي وبالهايه هو الخسراااااااااااااان

الضاااهره ايضا بالبنات

انا لاحظت الشي هذا

[فـــ جدة ـــؤاد]

موضوع روعه صراحه مشكور اخوي
عني انا حبيت اقول ظاهر انتشرت بكثره عندنا وانا واحد من تعرض لها فحبيت اكتب عنها
وهي ان الايه انقلبت البنات صارت هي الي تعاكس
لاحياء والحمد لله اللهم كافينا يارب
حتى حصلت في المرات رحت اخذ اختي من الجامعه الا وقفت بنت قدام وجهي اروح عنها يمين تجي يمين
اروح عنها يسار تجي ريسار وماده يدها فيه ورقه قلت لها اختي بعدي شوي ابي امر لان كان الممر ضيق قالت لي خذ الرقم ياغبي بس انا كانه واحد مصقوع بكف الا اخذ لك اللفه كلها ولا اني امر من الممر

ادري ان الموقف سخيف بس صراحه تفاجئت من الجرئه

على العموم حبيت احط الظاهره هاذي وقصتها علشان تشوفون قد ايش الزمن تغير

اخوكم فؤاد

[فجـــــر]

فؤاد

ههههههههههههههههههههههههههههههههههههههههههههه

ههههههههههههههههههههههههههههههههههه

ههههههههههههههههههههههههههههههه


والله شي غريب بس كفو اخوي والله لو انت مفشلها بس وقايل بصوت مرتفع اني ماتخافين من الله

لا حياء ولا حشيمه يابنت استحي وخوفي ربك ...وربي كان استحت وضفت خشتها ولا تعودها ابد

تدري ليش لانها راح تخاف احد يفشلها مثلك ....والله انت صدقت وربي اكو بنات الله يسترنا بس

[فـــ جدة ـــؤاد]

اختي مو انا الي اهزاء البنت خليها كفايه كسفتها تكفي والله يكفينا من شر المعاكسين والمعاكسات
بس ياليت لو تجي في بالهم ( الي يدق باب الناس يندق بابه)

اخوك فؤاد

[nooorislam]

مشكور اخوي الرزين على الفكرة والموضوع الاكثر من رائع

,,



اما الظاهرة اللي ما احب انها تكون في مجتمعاتنا فهي


!! الكذب !!



الكذب هاليومين صاير موضة ,, والكل قاعد يفتخر انه يكذب ,, وانه يستغفل اللي قدامه ,, خاصه ع النت اللي المفروض يكون اداه للاصلاح ,, بس للاسف اصبح يستخدم في اشياء (...) الكل منا يعرف ايش هي


وفيه عبارة قالها رجل فرنسي اعتقد ان اسمه (جان جاك روسو) يقول :


(ربما) تستطيع ان تكذب على بعض الناس كل الوقت


و(ربما) تستطيع ان تكذب على كل الناس بعض الوقت


لكن (بكل تاكيد) لا يمكنك ان تكذب على كل الناس كل الوقت


ما احب ان يكون الكلام نظري


الحل موجود ,, بس نحن مو شايفينه


وما نقدر نشوفه الا اذا فكرنا شوي في الاسباب اللي تخلي الانسان يكذب ؟


ولا تنسوا اننا من امه محمد عليه الصلاة والسلام (الصادق الامين) يعني اول المطالبين بانه يكون مجتمعنا نظيف من هالظاهرة اللي تفشت بشكل غير عادي




,,,


,,,


,,,


مع خاااااااااااااااالص تحياتي

[SHAHROORA]

بصراحة في مجتمعنا الحلي هناك أكثر من ظاهرة اجتماعية سيئة

لكن أعتقد أني سأختار الأهم بنظري الشخصي

ألا و هي النميمة

فقد هدمت بيوتا و شوهت سمعة أناس شرفاء

و شكرا على الموضوع...

و آسفة على الإطالة...

[رزيـــــــــــن]

فؤاد جده مشكور على مشاركتك الظاهره اللي صارتلك والله هزمن ماله امان والاحوال تغيرت والناس تغيرو (الا من رحم ربي) كل شي صار بالمقلوب
البنات في هزمن صارو يلاحقون الشباب لاحول ولا قوه الا بالله وش بقى يسون وماسوه
الله يعيننا ويصبرنا على اللي راح نشوفه بعد عشرين سنه.


نور اسلام مشكوره على تعليقك وظاهره الكذب سيئه جدا مع هذا يوجد كثير من الناس يستهون الكذب وعلى قول الفرنسي هذا اللي مدري شسمه
يمكن انك تكذب على كل الناس في بعض الوقت

ويمكن انك تكذب على بعض الناس في كل الوقت

بس لاتستطيع ان تكذب على كل الناس في كل الوقت

والله كلامه صحيح

وقبل هذا الفرنسي على قولتك نحن من امه محمد صلى الله عليه وسلم وكانو يلقبوه بالصادق الامين وعلى كذا لازم نحذو حذوه والمسلمين اولى ناس يقتدو بسنته


شحروره مشكوره على المشاركه وظاهرة النميمه صارت عاده وليست معصيه وللاسف
صار الواحد فينا ينم على خويه واهو اللي كان معه قبل اشوي




ياسبحان الله كيف وصلت بنا الامور الى هدرجه
غيبه نميمه كذب وجهر بالمعصيه ....الخ



نسئل الله السلامه والعافيه